Sgemâu Graddio
Defnyddio sgemâu graddio
Yn eich cyrsiau, mae graddau yn cael eu dangos yn y Llyfr Graddau ac ar y dudalen Cyflwyniadau ar gyfer eich asesiadau. Gallwch ddewis dangos y graddau mewn ffyrdd gwahanol â sgemâu graddio. Mae sgema'n cymryd y pwyntiau a sgoriwyd ar gyfer eitem ac yn eu cymharu â chyfanswm y pwyntiau posibl ar gyfer yr eitem er mwyn cael canran. Wedyn, caiff y ganran hon ei mapio i ystod o sgoriau a'i dangos fel gradd, megis llythyren (A, B, C) neu Llwyddo/Methu.
Y sgemâu graddio diofyn sydd ar gael yw:
Pwyntiau
Canran
Cyflawn/anghyflawn
Llythyren
Nodyn
Yn lle dangos graddau, mae'r sgema cyflawn/anghyflawn yn dangos a yw myfyriwr wedi cwblhau ei asesiad.
Mae pob sgema graddio diofyn a phersonol yn eich cwrs yn ymddangos yn y ddewislen Graddio gan ddefnyddio ar gyfer eitemau graddedig newydd a phresennol.
Nodyn
Os yw mewnbwn gradd yn annilys, bydd y radd yn dychwelyd i'w chyflwr neu werth blaenorol.
Rheoli sgemâu graddio
Yn y Llyfr Graddau, dewiswch Gosodiadau.
Yn y panel Gosodiadau Llyfr Graddau, dewiswch Rheoli Sgemâu Graddau i weld y sgemâu sydd ar gael yn eich cwrs.
Diffinnir enw a gwerthoedd y sgema diofyn gan y gweinyddwr ond gallwch greu sgemâu graddio newydd a phersonoli sgemâu sydd eisoes yn bodoli.
Gallwch ailenwi'r sgema diofyn yn eich cwrs a gwneud newidiadau i'r Amrediadau Gradd.
Nodiadau ynglŷn â sgemâu:
Os wnewch newidiadau, byddant dim ond yn effeithio ar y cwrs rydych ynddo.
Os yw eich sefydliad yn gwneud newidiadau i'r sgema graddio diofyn, ni chaiff y newidiadau eu hadlewyrchu yn eich cwrs. Bydd y sgema a olygwyd yn effeithio ar gyrsiau newydd a grëwyd ar ôl y newidiad yn unig.
Ni chynhelir sgemâu testun a grëwyd yn Original yn y gwedd cwrs Ultra. Wrth drosi cyrsiau, trosir sgemâu testun yn sgema pwyntiau. Ar ôl trosi, gallwch greu a defnyddio sgema arall yn ôl yr angen.
Nifer o sgemâu graddio
Gallwch gael hyd at 100 sgema graddio fesul cwrs, sy'n rhoi'r hyblygrwydd sydd ei angen arnoch i ddefnyddio'r sgema graddio mwyaf priodol ar gyfer pob gweithgaredd a asesir yn eich cwrs.
A. Dewiswch Ychwanegu i ychwanegu sgema graddio newydd. Rhowch enw'r sgema. Mae gan sgemâu gradd newydd ddwy res yn ddiofyn; mae pob rhes yn cynnwys enw gradd ac amrediad graddau.
B. I gopïo neu ddileu sgema, dewiswch y ddewislen opsiynau. Dim ond sgemâu nad ydynt yn cael eu defnyddio y gallwch eu dileu.
C. I fewnosod rhes, dewiswch yr arwydd plws (+).
Gallwch olygu'r amrediadau gradd drwy ddewis y gwerthoedd. Dechreuwch o'r rhes isaf a gweithio i fyny'r rhesi. Gallwch wneud y gwerth uchaf yn uwch na 100%. Er enghraifft, os bydd myfyrwyr yn cael 100% neu fwy, gallwch neilltuo A+.
Ch. Mae gan bob rhes ddewislen opsiynau. Dewiswch hi er mwyn golygu neu ddileu rhes. Mae rhaid i o leiaf ddwy res aros er mwyn i'r sgema fod yn ddilys, ac ni allwch ddileu'r rhes olaf.
Nodyn
Pan fyddwch yn ychwanegu neu'n dileu rhesi neu'n golygu gwerthoedd yn y sgema, bydd y gwerthoedd sy'n weddill yn cael eu haddasu'n awtomatig. Mae hyn yn sicrhau nad oes unrhyw fylchau rhifol yn bodoli yn y sgema.
Copïo eitemau a chyrsiau
Os byddwch yn copïo asesiadau a gweithgareddau o gyrsiau eraill rydych yn eu dysgu, byddant yn cadw eu sgemâu graddio. Os byddwch yn copïo cwrs cyfan, bydd yn cynnwys yr holl sgemâu graddio hyd yn oed os nad ydynt wedi'u halinio ag eitemau a raddir.
Cyfrifiadau'r llyfr graddau a sgemâu graddio
Mae sgema'r cyfrifiad yn dangos graddau fel pwyntiau, llythrennau (A, B, C), neu ganran gyda'r sgema graddio rydych yn ei ddewis ar gyfer pob asesiad. Mae'r sgema'n cymryd y pwyntiau a sgoriwyd ar gyfer eitem ac yn eu cymharu â chyfanswm o bwyntiau posibl yr eitem er mwyn cael canran. Mae'r ganran hon wedi'i mapio i ystod o sgoriau ac yn dangos gradd, megis llythyren.
Ar gyfer y radd cyfanswm, sgôr rhif crai myfyriwr yw 88 allan o 100 pwynt posibl. Mewn sgema graddio lle mae canran o 87 i lai na 90 yn cyfateb i B+, bydd sgôr myfyriwr o 88 yn arwain at B+.