Creu Trafodaethau

Gall trafodaethau annog myfyrwyr i feddwl yn feirniadol am eu gwaith cwrs a rhyngweithio â syniadau ei gilydd. Gallwch greu trafodaethau o gwmpas gwersi cwrs unigol neu ar gyfer eich cwrs yn gyffredinol. Ar ôl i chi ddechrau trafodaeth, gallwch bostio'ch ymatebion eich hun er mwyn arwain myfyrwyr.

Y ffurf mwyaf cyffredin o ryngweithio mewn cwrs ar-lein yw trwy drafodaeth a gychwynnir gan hyfforddwr. Nid yw cyfranogiad a rhyngweithio mewn trafodaethau yn digwydd yn naturiol. Mae angen i chi gynllunio i gynnwys trafodaethau’n fwriadol yn rhan o’ch cyrsiau. Er mwyn annog trafodaeth ddiddorol ac o ansawdd, crëwch gwestiynau trafod yn ofalus.

Helpwch eich myfyrwyr i deimlo'n gyfforddus a rhowch gyfarwyddiadau iddynt wrth iddynt gychwyn cymryd rhan mewn trafodaethau.

Dyma bedwar cam at ddatblygu trafodaethau llwyddiannus ar-lein i helpu i adeiladu cymuned a chyflawni aseiniadau.

Gallwch greu trafodaethau mewn dau leoliad o fewn eich cwrs. Gallwch eu creu ar dudalen Cynnwys y Cwrs yn union fel unrhyw eitem arall trwy greu eitem cynnwys newydd yn unrhyw le ar y dudalen. Mae'r opsiwn i greu trafodaeth yn yr adran Cymryd Rhan ac Ymgysylltu. Efallai fod yn rhaid i chi sgrolio i lawr i weld yr opsiwn.

Gallwch hefyd eu creu'n uniongyrchol ar y dudalen Trafodaethau drwy ddewis y botwm Trafodaeth Newydd.

Os oes gennych lawer o drafodaethau neu os ydych eisiau arwain myfyrwyr trwy gynnwys y cwrs, ystyriwch drefnu trafodaethau mewn ffolderi. Dewiswch Ychwanegu Ffolder i greu ffolder. Gallwch greu trafodaethau newydd yn uniongyrchol o fewn y ffolder neu lusgo trafodaethau a grëwyd yn flaenorol i'r ffolder.

Os ydych wedi trosi’ch cwrs o’r Wedd Cwrs Gwreiddiol i'r Wedd Cwrs Ultra, gwastateir rhai trafodaethau a thynnir rhai gosodiadau.

Gall myfyriwr gael mynediad at y dudalen Trafodaethau os bodlonir amodau penodol:

Mae'r fideo canlynol â sylwebaeth yn rhoi cynrychiolaeth weledol a chlywedol o rywfaint o'r wybodaeth sydd wedi'i chynnwys ar y dudalen hon. I gael disgrifiad manwl o'r hyn sy'n cael ei bortreadu yn y fideo, agorwch y fideo ar Vimeo.

Mae trafodaethau'n annog myfyrwyr i feddwl yn feirniadol am eu gwaith cwrs a rhyngweithio â'i syniadau ei gilydd. Bydd y tiwtorial hwn yn dangos i chi sut i greu trafodaeth.

Gallwch drefnu i drafodaethau fod ar gael i bawb neu ofyn i fyfyrwyr gymryd rhan mewn trafodaethau grŵp. Ewch i Grwpiau i ddysgu mwy am grwpiau.

Cynhyrchir trafodaethau yn seiliedig ar deitl a disgrifiad eich cwrs.

Mae gennych sawl ffordd o addasu'r trafodaethau mae'r AI Design Assistant yn eu cynhyrchu.

Yn ddewisol, gallwch ddewis pa eitemau cwrs yr hoffech i'r AI Design Assistant ddarparu cyd-destun ar eu cyfer ar gyfer trafodaethau. Dewiswch Dewis eitemau cwrs i ddechrau arni.

Dewiswch unrhyw eitem o gynnwys cwrs i fod yn y cyd-destun ar gyfer eich trafodaeth.

Gallwch ddewis ffolder neu fodiwl dysgu i gynnwys eitemau ohonynt. Ar ôl i chi orffen dewis eitemau ar gyfer cyd-destun, dewiswch Dewis eitemau i fynd yn ôl i gynhyrchu cwestiynau.

Unwaith y byddwch wedi cwblhau eich gosodiadau, dewiswch Cynhyrchu. Adolygwch bob trafodaeth er mwyn sicrhau ei bod yn gywir ac a oes ganddi ragfarn. Dewiswch y drafodaeth yr hoffech e hychwanegu at eich cwrs, wedyn dewiswch Ychwanegu. Ewch i AI Design Assistant i ddysgu mwy am y nodwedd.

Dewiswch Gosodiadau Trafodaeth i addasu eich trafodaeth.

Yn ddiofyn, mae pob trafodaeth yn ymddangos i fyfyrwyr ar dudalen Cynnwys y Cwrs. Gallwch ddad-ddewis yr opsiwn os ydych am i fyfyrwyr weld y drafodaeth ar y dudalen Trafodaethau yn unig.

Pan fyddwch yn dewis graddio trafodaeth, bydd rhagor o opsiynau yn ymddangos yn y gosodiadau, fel y dyddiad cyflwyno a’r nifer mwyaf o bwyntiau. Defnyddir y nifer mwyaf o bwyntiau gydag un neu fwy o bostiadau a wnaed gan fyfyriwr. Pan fyddwch yn galluogi graddio ar gyfer trafodaeth, crëir colofn yn awtomatig yn y llyfr graddau.

Mae gennych yr opsiwn i gynnwys hyd at ddau ddyddiad cyflwyno mewn trafodaeth a nodi gofynion cyfranogiad drwy ddewis Post, Ateb, neu Post neu Ateb. Mae'r ddau set o ofynion yn ymddangos ar dudalen Cynnwys y Cwrs, tudalennau Trafodaeth, golygfeydd myfyriwr ac hyfforddwr y Llyfr Graddau, yn ogystal â phanel dadansoddi Trafodaeth yr hyfforddwr.

Mae gan drafodaethau graddedig tab Graddau a Chyfranogiad sy'n olrhain eich cynnydd gyda graddio.

Mae gennych fynediad i sawl math o ddadansoddiadau trafodaethau hefyd. Dewiswch enw myfyriwr ar y tab Graddau a Chyfranogiad i weld dadansoddiadau ei gofnod trafodaeth. Gallwch weld a yw postiad yn sylweddol, cymhlethdod ei frawddegau a gwybodaeth arall. Mae cofnodion sylweddol wedi'u cysgodi'n wyrdd ac mae ganddynt label sy'n dweud Cynnwys sylweddol. Mae cofnodion an-detholedig wedi'u cysgodi'n goch gyda label sy'n dweud Cynnwys An-detholedig.

Ni ddylech ddefnyddio metrigau dadansoddi trafodaethau fel eich unig ganllaw ar gyfer graddio. Bwriad algorithmau dadansoddi trafodaethau yw hysbysu'ch penderfyniadau, ond ni allant gymryd lle darllen ymatebion myfyrwyr. Ewch i Weld Perfformiad y Drafodaeth i gael mwy o wybodaeth am ddadansoddeg trafodaethau.

Gallwch ganiatáu i fyfyrwyr greu eu trafodaethau eu hunain. Ewch i'r dudalen Trafodaethau, yna dewiswch y botwm Gosodiadau i ddanos y panel Gosodiadau Trafodaethau. Wrth i chi ganiatáu i fyfyrwyr greu trafodaethau, bydd eu teitlau yn ymddangos gyda’r label Crëwyd gan fyfyriwr ar y brif dudalen Trafodaethau.

Gallwch aildrefnu trafodaethau myfyrwyr er mwyn iddynt ymddangos gyda’i gilydd neu eu symud i ffolder.

Pan fydd myfyrwyr yn cyrchu trafodaeth, mae enw'r awdur wedi'i gynnwys.

Gall myfyrwyr olygu neu ddileu eu postiadau eu hunain. Gall myfyrwyr hefyd ddileu eu trafodaethau eu hunain os nad yw neb wedi ymateb.

Er gallwch ddefnyddio trafodaethau dosbarth i ddatblygu neu rannu syniadau, gallwch hefyd ddefnyddio sgyrsiau am gyfnewidiadau cyflym ar gynnwys penodol. Er enghraifft, pan fyddwch yn creu aseiniadau, gallwch alluogi sgyrsiau. Gall unrhyw un wneud cyfraniad at y sgwrs ar yr aseiniad-gofyn am gymorth, rhannu ffynonellau, neu ateb cwestiynau sydd gan bobl eraill. Gall pawb ddarllen y sgyrsiau wrth iddynt weld yr aseiniad.

Mae sgyrsiau'n ymddangos gyda'r eitem gynnwys berthnasol yn unig ac nid ydynt yn ymddangos ar y dudalen sgyrsiau.

Gallwch gael hysbysiadau ar gyfer trafodaethau, ond nid sgyrsiau.