Anfon Negeseuon
Tudalen Negeseuon
Mae pob un o'ch negeseuon ac ymatebion cwrs ar y dudalen Negeseuon. Gallwch bori'r rhestr yn hawdd ac agor neges i ddarllen yr holl ymatebion. I gael rhagor o wybodaeth am negeseuon yn Blackboard a sut mae negeseuon yn gweithio y tu allan i gwrs, ewch i'n tudalen Negeseuon cyffredinol.
Bydd eich negeseuon sydd heb eu darllen yn ymddangos yn gyntaf yn y rhestr. Mae pob neges yn cynnwys llun proffil y creawdwr. Bydd y neges yn dweud wrthych faint o gyfranogwyr sydd wedi'u cynnwys neu os yw'r neges ar gyfer y dosbarth cyfan. Os oes gennych lawer o negeseuon, dewiswch nifer y negeseuon rydych eisiau eu rhestru fesul tudalen i gulhau'ch ffocws.
Anfon neges. Dewiswch Neges Newydd er mwyn anfon neges. Anfonwch i un person, rhagor nag un person neu'r dosbarth cyfan.
Adolygwch yr hyn sy'n newydd. Mae cyfrif negeseuon yn ymddangos uwchben y rhestr. Mae ymatebion newydd yn ymddangos gyda ffont trwm a chefndir tywyllach.
Dileu neges. Dewiswch Dileu i ddileu neges. Os daw rhagor o ymatebion, byddwch yn eu cael. Ni allwch olygu neu ddileu ymatebion unigol mewn neges.
Pan fyddwch chi'n creu neges neu'n ymateb iddi, dewiswch Ychwanegu Cyfranogwyr i ychwanegu pobl ychwanegol oni bai bod y neges wedi'i hanfon at y dosbarth cyfan. Mae Ychwanegu Cyfranwyr yn ymddangos fel arwydd plws.
Mae'r derbynyddion gwreiddiol yn gweld nodyn yn y neges nesaf i roi gwybod eich bod wedi ychwanegu pobl newydd neu'r dosbarth cyfan. Mae'r derbynyddion newydd yn gweld y neges o'r pwynt y cawsant eu hychwanegu.
Anfon neges
Nodyn
Os byddwch yn anfon neges at fyfyrwyr cyn i'r cwrs fod ar gael iddynt, caiff y neges ei hanfon i'w cyfeiriad e-bost cysylltiedig.
Dewiswch Neges Newydd ar y dudalen Negeseuon i ddechrau ysgrifennu neges newydd.
Rhowch dderbynyddion. Wrth i chi roi llythrennau, bydd enwau'r derbynyddion sy'n cyfateb yn cael eu hawgrymu mewn dewislen er mwyn eu dewis yn hawdd. Gallwch barhau i ychwanegu cynifer o enwau ag y mynnwch. Gallwch hefyd anfon neges i'r dosbarth cyfan, anfon negeseuon at hyfforddwyr yn unig, neu anfon negeseuon at grwpiau penodol i gyd ar unwaith.
Nodyn
Pan fyddwch chi'n anfon neges at grŵp diffiniedig, fel "Pob myfyriwr," ni fydd derbynyddion yn gwybod enwau eraill yn y grŵp. Os ydych chi'n ychwanegu sawl defnyddiwr yn unigol, bydd pob derbynnydd yn gwybod enwau'r derbynyddion eraill.
Dechreuwch gyda’r wybodaeth bwysicaf. Nid oes gan negeseuon deitlau, felly mae angen i dderbynyddion ddibynnu ar ran gyntaf eich neges oherwydd y bydd yn ymddangos ar y dudalen Negeseuon fel rhagolwg. Defnyddiwch yr opsiynau yn y golygydd i fformatio'ch testun.
Cynghoryn
I ddefnyddio'ch bysellfwrdd i neidio i far offer y golygydd, dewiswch ALT + F10. Ar Mac, dewiswch Fn + ALT + F10. Defnyddiwch fysellau'r saethau i ddewis opsiwn, megis rhestr â rhifau.
Anfonwch gopi e-bost. Gallwch anfon copi o neges gwrs fel neges e-bost. Efallai y bydd myfyrwyr yn fwy tebygol o ddarllen a gweithredu ar gyhoeddiadau pwysig a negeseuon cwrs pan fyddant yn derbyn copi yn eu mewnflwch. Bydd copïau e-bost yn cael eu danfon dim ond os oes gan dderbynyddion gyfeiriad e-bost dilys yn eu proffil Blackboard. Pan ddewiswch yr opsiwn hwn, bydd holl dderbynyddion y neges yn cael copi e-bost.
Nodyn
Ni all fyfyrwyr ymateb yn uniongyrchol i'r e-bost. Os caniateir atebion, gallant ymateb trwy ddefnyddio'r ddolen yn yr e-bost. Bydd pob derbynnydd yn cael ei gynnwys dan BCC ar yr e-bost, felly ni fydd eu cyfeiriadau e-bost yn hysbys i dderbynyddion eraill. Fodd bynnag, gall derbynyddion gael mynediad at enwau derbynyddion eraill os oes ganddynt fynediad i'r neges yn Blackboard.
Caniatáu neu wrthod atebion. Gallwch ddewis peidio â chaniatáu atebion ar gyfer negeseuon a grëwch.
Gall eich sefydliad ddewis peidio â chaniatáu i fyfyrwyr ymateb neu greu negeseuon yn eu cyrsiau. Ni allwch droi'r gosodiad hwn ymlaen a’i ddiffodd yn eich cyrsiau unigol. Yn y senario hwn, gall myfyrwyr ddim ond darllen negeseuon a anfonir atynt gan rolau eraill, megis hyfforddwyr a chynorthwywyr addysgu. Mae dewis Caniatáu atebion i'r neges hon ond yn berthnasol i’r rolau yn y cwrs sydd â chaniatâd i ateb a chreu negeseuon, megis hyfforddwyr eraill a chynorthwywyr dysgu. Hefyd, ni chaniateir i fyfyrwyr anfon negeseuon maent yn eu cael ymlaen at bobl eraill.
Anfon negeseuon o'r Llyfr Graddau
O’r rhestr myfyrwyr, gallwch anfon neges at unrhyw un sy’n gysylltiedig â’ch cwrs.
Dewiswch y ddewislen Mwy sy'n gysylltiedig â'r myfyriwr. Dewiswch yr opsiwn Anfon neges at fyfyriwr.
Mae negeseuon a anfonwch o’r rhestr myfyrwyr hefyd yn ymddangos ar y dudalen Negeseuon.
Anfon negeseuon o'r dudalen Cyflwyniadau
Gallwch anfon neges at fyfyrwyr o'r dudalen Cyflwyniadau. Er enghraifft, os ydych chi am anfon nodiadau atgoffa at fyfyrwyr nad ydynt wedi cyflwyno eto neu os ydych chi am hysbysu myfyrwyr am eu graddau. Bydd yr holl fyfyrwyr sy'n cael neges yn cael copi cudd (BCC) i sicrhau cyfrinachedd.
I anfon negeseuon at fyfyrwyr o'r dudalen cyflwyniad, chwiliwch am neu hidlo'r derbynyddion. Os oes mwy nag un dudalen o fyfyrwyr, bydd yr hidlyddion a dewisiadau yn effeithio ar bob tudalen. Yna, dewiswch Anfon Neges i gyfansoddi eich neges.
Fe'ch anfonir at y dudalen Neges Newydd. Ar ôl anfon y neges, bydd modd dod o hyd i'r sgyrsiau ar y brif dudalen Negeseuon gyda gweddill eich negeseuon.
Anfon nodiadau atgoffa o dudalen cyflwyniad dienw
I atgoffa eich myfyrwyr am eu gwaith dienw sydd ar goll, dewiswch Anfon Nodyn Atgoffa o dudalen y cyflwyniad dienw. Bydd hyn yn anfon neges awtomatig at fyfyrwyr ac yn cadw eu manylion personol yn anhysbys.
Ar ôl dewis Anfon Neges Atgoffa, cewch neges gadarnhau sy'n dangos faint o fyfyrwyr fydd yn derbyn y nodyn atgoffa: "Ydych chi'n siŵr eich bod am anfon nodyn atgoffa at X o fyfyrwyr nad ydynt wedi gwneud cyflwyniad eto?"
Nodyn
I helpu i sicrhau anhysbysrwydd y myfyrwyr, ni chedwir y nodiadau atgoffa hyn yn adran negeseuon y Llyfr Graddau.
Bydd y myfyrwyr yn derbyn e-bost yn esbonio nad oes ganddynt gyflwyniad, manylion y cwrs a'r asesiad, a'r dyddiad cyflwyno.
