Gwedd Myfyriwr o Aseiniadau Grŵp

Myfyrwyr mewn grwpiau

Ar y dudalen Cynnwys y Cwrs, gall myfyrwyr weld enwau eu grwpiau wedi’u rhestru gydag aseiniad y grŵp. Pan fyddant yn cyrchu aseiniad y grŵp, gallant weld aelodau eu grŵp. Gall pob aelod o’r grŵp olygu a diweddaru’r drafft a gadwyd yn aseiniad y grŵp.

Nodyn

Ni fydd gan fyfyrwyr heb eu pennu i grŵp fynediad at yr aseiniad grŵp oherwydd ni fydd yn ymddangos ar eu tudalennau Cynnwys y Cwrs.

Os fydd Ymuno â grŵp i gymryd rhan yn ymddangos dan deitl aseiniad grŵp, bydd myfyrwyr yn dewis y ddolen i ddewis grŵp. Efallai bydd myfyrwyr yn gweld cyfnod cofrestru os ychwanegoch un. Mae angen i fyfyrwyr ymuno â grŵp cyn y dyddiad cau. Os nad ydynt wedi ymuno â grŵp, rhoddir gwybod i fyfyrwyr pan fydd y dyddiad olaf i gofrestru yn nesáu.

Nodyn atgoffa: Pan fydd y cyfnod cofrestru yn dod i ben, ni all myfyrwyr ymuno â grwpiau bellach ac nid ydynt yn cael eu cofrestru’n awtomatig. Mae rhaid i fyfyrwyr ofyn i chi eu hychwanegu er mwyn iddynt allu gweld yr aseiniad grŵp.

Mae tudalen Cynnwys y Cwrs o wedd y Myfyriwr ar agor gyda 1) yr opsiwn "Ymuno â grŵp i gymryd rhan" o dan deitl aseiniad grŵp a 2) neges gyda'r dyddiad a'r amser pan fydd yr opsiwn cofrestru yn cau.

Symud i grŵp arall

Gall myfyrwyr symud i grŵp arall os nad yw eu grŵp presennol neu'r grŵp newydd wedi cyflwyno gwaith. Os ydych wedi ychwanegu cyfnod cofrestru, gall myfyrwyr ond symud wrth i'r cyfnod cofrestru fod ar agor.

Ar y chwith, mae adran manylion Grŵp y myfyriwr ar agor gyda'r rhestr o grwpiau hunangofrestru sydd ar gael i ymuno. Ar y dde, mae'r rhestr o grwpiau hunangofrestru yn dangos 1) y neges "Wedi ymuno" mewn un grŵp a 2) yr opsiwn "Symud i'r grŵp hwn" yn y grwpiau sydd ar gael i ymuno.

Cyflwyno aseiniad grŵp

Efallai y bydd rhai myfyrwyr yn bryderus ynghylch agor aseiniad grŵp. Efallai y byddant yn meddwl bod rhaid iddynt gyflwyno aseiniad y grŵp os byddant yn ei agor. Efallai y byddwch am ddweud wrth fyfyrwyr pan fyddant yn dewis Gweld yr aseiniad , eu bod yn gallu gweld yr asesiad neu ychwanegu ychydig o waith yn unig.

Gall aelodau’r grŵp ychwanegu gwaith, cadw drafft a chaniatáu i aelodau eraill weithio arno hefyd. Ar ôl i aelod o’r grŵp weld yr aseiniad neu ychwanegu ychydig o waith, mae’r aelod yn dewis Cadw a Chau yn y panel. Bydd ei waith ar ran y grŵp yn cael ei gadw ond ni fydd yn cael ei gyflwyno. Gall aelod arall o’r grŵp barhau i weithio ar yr aseiniad yn ddiweddarach. Mae pawb yn y grŵp yn gallu olrhain fersiwn diweddaraf y gwaith.

Pan fydd y gwaith yn barod, dim ond un myfyriwr yn y grŵp sydd angen ei gyflwyno ar ran y grŵp.