Asesiadau
Mae asesiadau yn Blackboard yn cynnwys aseiniadau a phrofion, gan roi offer hyblyg i ddarlithwyr fesur dysgu myfyrwyr. Mae’r adran hon yn eich helpu i greu, rheoli a graddio asesiadau sy’n cyd-fynd â nodau eich cwrs.
Gwahaniaethu rhwng Aseiniadau a Phrofion yn Ultra
Mae Aseiniadau a Phrofion (wedi'u grwpio dan Asesiadau ym mhanel Eitemau Cynnwys y Cwrs) yn rhannu'r un rhyngwyneb defnyddiwr a'r un opsiynau. Mae llawer o opsiynau yn y gosodiadau wedi'u troi ymlaen neu eu diffodd yn seiliedig ar a oes o leiaf un cwestiwn yn yr asesiad.
Yn ymarferol, mae hyfforddwyr yn defnyddio'r asesiadau hyn yn wahanol. Er enghraifft, efallai byddwch yn creu aseiniadau â chyfarwyddiadau yn gofyn i fyfyrwyr gyflwyno ffeil i gael gradd. Mewn prawf, gall myfyrwyr ateb cyfres o gwestiynau rydych wedi'u hychwanegu at yr asesiad.