Dogfennau

Gallwch ddylunio Dogfennau drwy ddewis o amrywiaeth o fathau o flociau.

Gallwch hefyd agor y panel ar y chwith drwy ddewis y + ac yna dewis y bloc a ddymunir.

Mae bar y ddewislen yn parhau'n weladwy wrth i chi sgrolio drwy'r Ddogfen i weld, ychwanegu neu olygu cynnwys. Mae bar y ddewislen yn cynnwys yr opsiwn Golygu yn y cyflwr gweld. Ar ôl dewis Golygu, mae bar y ddewislen yn dangos yr opsiynau canlynol:

Ar ôl ychwanegu cynnwys at y ddogfen, gallwch gynhyrchu'r cynllun yn awtomatig. Mae'r swyddogaeth hon yn optimeiddio cynllun eich dogfen, gan gynnwys newidiadau arddull, aildrefnu'r cynnwys, cynhyrchu delweddau, ac, yn ddewisol, creu gwiriad gwybodaeth.

Gallwch greu cynlluniau apelgar drwy ailfeintio a llusgo/gollwng blociau i golofnau a rhesi.

Mae'r opsiynau canlynol ar gael ar gyfer newid maint neu symud rhesi, blociau neu golofnau:

Gallwch arddullio bloc i gael lliwiau ac eiconau sy'n nodi diben y bloc. Mae'r opsiynau arddull yn cynnwys:

Mae gennych yr opsiwn i argraffu Dogfen. Pan fyddwch yn argraffu Dogfen, mae'r Ddogfen yn argraffu fel y'i dangosir mewn porwr gwe bwrdd gwaith, hyd yn oed os ydych ar ddyfais symudol.

Os yw eich sefydliad wedi troi'r nodwedd AI Design Assistant ymlaen, gallwch fewnosod delweddau a gynhyrchir gan AI neu ddelweddau stoc yn uniongyrchol yn y golygydd testun drwy ddewis y botwm Delwedd. Gweler y pwnc "AI Design Assistant" i ddysgu mwy am y nodwedd.

Pan fyddwch yn defnyddio Unsplash, bydd y termau chwilio yn cael eu llenwi yn awtomatig o'ch testun. Gallwch ddewis y botwm X a defnyddio'ch termau chwilio eich hun os yw'n well gennych.

Gyda'r AI Design Assistant, gallwch gynhyrchu delwedd i'w mewnosod yn eich testun. Rhowch ddisgrifiad ar gyfer eich delwedd ac wedyn dewiswch Cynhyrchu.

Ar ôl i chi ddewis delwedd i'w mewnosod, dewiswch Nesaf. Gallwch nawr addasu sut mae'r ddelwedd yn ymddangos yn y testun.

Gallwch ddewis cymhareb agwedd ar gyfer y ddelwedd. Gallwch gadw'r gymhareb agwedd wreiddiol, neu ei throsi i arddangosfa tirwedd neu bortread. Mae'r llinellau grid gwyn yn dangos i chi pa ran o'r ddelwedd wreiddiol a gaiff ei dangos ar sgriniau.

Hefyd, mae gennych yr opsiwn i addasu'r llithrydd i chwyddo i mewn neu allan, a gallwch ddewis a llusgo'r llinellau grid i newid y ffocws.

Dewiswch Nesaf pan fyddwch yn barod i fewnosod y ddelwedd.

Mae'n ofynnol i chi roi enw arddangos. Rydym yn argymell ychwanegu testun amgen hefyd, i wneud y ddelwedd yn hygyrch i ddefnyddwyr sy'n defnyddio darllenwyr sgrin.

Yn ddiofyn, gall defnyddwyr weld a lawrlwytho'r ddelwedd. Os dewiswch Lawrlwytho yn unig ar gyfer y ddelwedd, dangosir dalfan ar sgriniau defnyddwyr nes bod defnyddwyr yn lawrlwytho'r ddelwedd.

Dangos neu guddio'r ddogfen. Nid yw myfyrwyr yn gallu gweld dogfen tan i chi ddewis ei dangos. Gallwch greu'ch holl gynnwys ymlaen llaw a dewis beth rydych chi am i fyfyrwyr ei weld yn seiliedig ar eich amserlen. Gallwch hefyd osod amodau argaeledd yn seiliedig ar ddyddiad, amser a pherfformiad ar eitemau eraill yn llyfr graddau'r cwrs. Ar dudalen Cynnwys y Cwrs, gall myfyrwyr weld pryd mae'r ddogfen wedi'i gosod i Gwelededd y ddogfen.

Wrth i chi roi testun yn y golygydd, mae'r cyfrif geiriau yn ymddangos dan y golygydd. Ar ôl i chi gadw, nid yw'r cyfrif geiriau yn ymddangos mwyach.

Cynhwysir yr eitemau hyn yn y cyfrif geiriau:

Nid yw'r eitemau a'r elfennau fformatio hyn yn effeithio ar y cyfrif geiriau:

Pan fyddwch yn defnyddio atalnodi i gysylltu geiriau neu rifau, mae'n effeithio ar y cyfrif. Er enghraifft, caiff "Aethom ni...heboch chi" ei gyfrif fel tri gair. Cyfrifir y geiriau neu rifau ar bob ochr i'r atalnodi fel un gair.

Pan fyddwch yn galluogi parth amgen ar gyfer eich safle, gallwch ddefnyddio HTML neu CSS personol mewn dogfen. Dewiswch Ychwanegu HTML fel bloc newydd i fewnosod golygydd HTML trydydd parti mewnol yn y ddogfen. Gallwch ysgrifennu neu gludo cod HTML i'r golygydd a dewis Cadw. Bydd yr HTML wedi'i amgodio yn cael ei anfon i Blackboard LMS o fewn BbML er mwyn ei gadw'n barhaus. Bydd yr HTML yn cael ei nodi yn y BbML gyda data-bbtype newydd. Os ydych yn llwytho BbML a grëwyd yn flaenorol sy'n cynnwys HTML yn y modd darllen yn unig, bydd yr HTML yn cael ei lwytho o barth ar wahân mewn iframe.

Mae pecyn CodeEditor newydd yn ymdrin â'r holl fewnforion sy'n ofynnol gan y golygydd trydydd parti ac yn safoni ffurfweddau'r golygydd. Fel arall, bydd y pecyn yn lapio dull y golygydd o chwistrellu ei hun i elfen DOM yn unig. Bydd cyfarwyddebau ac ategion sy'n mewnosod y golygydd ar y dudalen yn dibynnu ar y pecyn.

Gallwch ddileu dogfen o'ch cwrs neu ei chuddio rhag myfyrwyr er mwyn cadw'r wybodaeth. Nid yw myfyrwyr yn gallu cael mynediad at ddogfennau cudd ar dudalen Cynnwys y Cwrs.

Yn dibynnu ar elfen y ddogfen, gallwch ei symud, ei golygu, ei dileu neu ei lawrlwytho.

Agorwch ddewislen elfen er mwyn cael mynediad at yr opsiynau. Dewiswch y botwm Symud i symud elfen i leoliad newydd ar dudalen y ddogfen.

Dewiswch yr arwydd plws lle bynnag rydych chi eisiau ychwanegu ffeil neu floc testun arall ar dudalen y ddogfen.

Os yw eich porwr yn caniatáu ffeiliau amlgyfrwng mewnol, mae'r ffeiliau amlgyfrwng rydych yn eu hychwanegu at Ddogfennau yn ymddangos yn fewnol yn ddiofyn. Fel arall, maen nhw'n ymddangos fel atodiad.

Mae delweddau sy'n ymddangos yn fewnol wedi'u mewnosod mewn bloc 768 picsel ar y torbwyntiau mwyaf. Po agosaf yw'r delweddau at y maint hwnnw, y lleiaf o badin sy'n ymddangos o'u hamgylch.

Gallwch hefyd ychwanegu testun amgen i ddisgrifio'r delweddau rydych yn eu hychwanegu. Caiff testun amgen ei ddarllen yn uchel gan ddarllenwyr sgrin ac mae'n helpu i ddisgrifio'r hyn na all rhai defnyddwyr ei weld.

Gallwch olygu gosodiadau'r ffeil, gan gynnwys yr enw arddangos, y testun amgen, a'r ymddygiad arddangos. Dewiswch a ydych am fewnosod y ffeil fel dolen yn y golygydd neu ei hymgorffori'n uniongyrchol fel ei bod yn ymddangos yn unol â'r cynnwys arall rydych wedi'i ychwanegu. I olygu testun amgen neu ymddygiad arddangos y ffeil, dewiswch y ffeil yn y golygydd ac yna dewiswch Golygu Atodiad.