Ymateb i Drafodaethau
Mewn trafodaethau, mae edefynnau’n tyfu wrth i ddefnyddwyr ymateb i’r postiadau cychwynnol a dilynol. Mae ymatebion yn adeiladu ar ben ei gilydd i lunio sgwrs. Wrth i nifer y postiadau gynyddu, mae defnyddwyr yn gallu hidlo, trefnu, a chasglu postiadau.
Moesau trafodaethau
I helpu myfyrwyr i ddeall eich disgwyliadau, sefydlwch foeseg trafodaeth ar unwaith. Gallwch fodelu ryngweithio ar-lein cywir ac atgyfnerthu ymddygiad priodol gyda chydnabyddiaeth gyhoeddus. Yn ogystal, gallwch ddarparu canllawiau penodol:
Defnyddiwch linellau pwnc disgrifiadol i wneud edefynnau yn hawdd i’w dilyn a sganio.
Cadwch bostiadau yn gryno a defnyddio iaith seml. Mae’ch cynulleidfa yn darllen ar sgrin ac efallai y bydd sawl neges i’w darllen.
Cefnogwch eich datganiadau gyda thystiolaeth pan rydych yn cytuno neu'n anghytuno gydag eraill.
Defnyddiwch iaith broffesiynol, yn cynnwys gramadeg cywir, mewn postiadau academaidd. Ni chaniateir defnyddio slang, gwenogluniau, nac acronymau sgwrsio.
Defnyddiwch atodiadau neu ddolenni i wefannau i roi gwybodaeth hir, fanwl.
Byddwch yn berthnasol. Os ydych eisiau cyflwyno pwnc newydd, edrychwch am fforwm addas neu cychwynnwch drywydd newydd os caniateir i chi wneud hyn.
Parchwch farn pobl eraill a chofiwch y rheol euraidd - dylech drin pobl eraill fel yr hoffech iddyn nhw eich trin chi.
Ar gyfer fforymau a thrywyddion graddedig, esboniwch i fyfyrwyr yr hyn a ddisgwyliwch yn benodol o ran nifer ac ansawdd postiadau. Gallwch hyd yn oed rannu esiamplau o bostiadau da. Gallwch hefyd ddefnyddio cyfarwyddebau i helpu myfyrwyr i ddeall eich amcanion.
Ymateb i drafodaeth
Ar eich dyfais symudol neu eich bwrdd gwaith, neidiwch i mewn i drafodaethau ar unrhyw adeg.
O'r dudalen Gweithgarwch: Y dudalen Gweithgarwch yw eich allwedd i gael mynediad at gynnwys cwrs newydd yn gyflym yn Blackboard. Gallwch gymryd rhan mewn unrhyw drafodaeth ar gyfer unrhyw un o’ch cyrsiau ar unwaith. Dewiswch drafodaeth yn y rhestr a bydd haen yn agor. Amlygir ymatebion ac atebion newydd fel y gallwch weld yr hyn sydd wedi newid ers y tro diwethaf i chi ymweld â’r drafodaeth. Caewch yr haen i ddychwelyd i’r dudalen Gweithgarwch.
Mewn cwrs: Gallwch gyrchu trafodaeth o dudalen Cynnwys y Cwrs neu o’r dudalen Trafodaethau.
Mae atebion yn cael eu mewnoli o'r ymatebion. Gall pob aelod o'r cwrs gyrchu manylion am bwy sydd wedi creu’r drafodaeth.
Gallwch ddefnyddio’r opsiynau yn y golygydd i fformatio testun, atodi ffeiliau, a phlannu ffeiliau amlgyfrwng.
Cynghoryn
I ddefnyddio'ch bysellfwrdd i neidio i far offer y golygydd, pwyswch ALT + F10. Ar Mac, pwyswch Fn + ALT + F10. Defnyddiwch fysellau'r saethau i ddewis opsiwn, megis rhestr â rhifau.
Cyfrif geiriau ar gyfer ymatebion i drafodaethau
Wrth i chi a'ch myfyrwyr greu ymatebion i drafodaethau, diweddarir y cyfrif geiriau yn y golygydd. Ar ôl i chi gadw eich ymateb, nid ymddengys y cyfrif geiriau bellach.
Cynhwysir yr eitemau hyn yn y cyfrif geiriau:
Geiriau unigol
Dolenni Gwe
Testun yn rhestrau â bwledi neu rifau, ond ni chynhwysir y bwledi neu rifau eu hunain
Testun uwchysgrif ac isysgrif nad yw'n rhan o air arall
Nid yw'r eitemau nac elfennau ffurfweddu hyn yn effeithio ar y cyfrif geiriau:
Delweddau, fideos ac atodiadau ffeil
Fformiwlâu mathemateg
Bylchau a llinellau gwag
Testun amgen
Pan ddefnyddiwch atalnodi i atodi geiriau neu rifau, bydd effaith ar y cyfrif. Er enghraifft, caiff "Aethom ni...heboch chi" ei gyfrif fel tri gair. Cyfrifir y geiriau neu rifau ar bob ochr i'r atalnodi fel un gair.
Dilyn trafodaeth
Gallwch ddilyn trafodaeth i gael hysbysiadau ar eich tudalen Gweithgarwch bob tro mae gweithgarwch newydd gan hyfforddwyr neu fyfyrwyr mewn trafodaeth benodol. Dewiswch Dilyn i ddilyn trafodaeth.
Os nad ydych eisiau cael hysbysiadau ar gyfer trafodaeth mwyach, dewiswch Dad-ddilyn. Gallwch hefyd adnewyddu trafodaeth i weld a oedd diweddariadau drwy ddewis y saethau wrth ochr Dilyn neu Dad-ddilyn.
Gallwch reoli pa fathau o hysbysiadau rydych yn eu cael ar gyfer y trafodaethau rydych yn eu dilyn drwy fynd i'r Gosodiadau ar eich tudalen Gweithgarwch.
Gallwch ddewis neu ddad-ddewis cael hysbysiadau ar gyfer:
Gweithgarwch ar fy ymatebion
Gweithgarwch ar ymatebion rwyf wedi'u hateb
Ymatebion gan hyfforddwyr
Ymatebion ar gyfer trafodaethau a ddilynir
Atebion ar gyfer trafodaethau a ddilynir
Gallwch hefyd gael negeseuon e-bost ar gyfer trafodaethau rydych yn eu dilyn trwy fynd i'ch gosodiadau Anfon e-bostio ataf ar unwaith o'r un ddewislen Gosodiadau ar eich tudalen Gweithgarwch. Dyma'r hysbysiadau sydd ar gael:
Gweithgarwch ar fy ymatebion
Gweithgarwch ar ymatebion rwyf wedi'u hateb
Ymatebion gan hyfforddwyr
Ymatebion ar gyfer trafodaethau a ddilynir
Atebion ar gyfer trafodaethau a ddilynir
Dileu atebion ac ymatebion
Gall hyfforddwyr olygu neu ddileu atebion ac ymatebion unrhyw un. Gall myfyrwyr ddileu dim ond eu hatebion ac ymatebion eu hunain.
Agorwch y ddewislen ar gyfer ateb neu ymateb i gael mynediad at y swyddogaethau Golygu a Dileu. Os ydych yn dileu'ch ymateb cychwynnol, mae'r holl ymatebion eraill yn aros. Bydd y system yn dangos neges am eich dilead er mwyn i eraill wybod beth sydd wedi digwydd.
