Graddio gyda chyfarwyddiadau

Ynglŷn â graddio gyda chyfarwyddyd

Gallwch gysylltu cyfarwyddyd ag asesiad, dyddlyfr, neu drafodaeth, yna ei ddefnyddio ar gyfer graddio. Bydd y cyfarwyddyd yn ymddangos ar dudalen yr eitem a raddir. Sylwer bod dim ond modd cysylltu un cyfarwyddyd â phob eitem ar hyn o bryd. Ni allwch gysylltu cyfarwyddyd ag aseiniad sy'n cynnwys cwestiynau.

Os ydych yn cysylltu cyfarwyddyd ag eitem a raddir, dylech raddio gan ddefnyddio'r cyfarwyddyd. Os byddwch yn rhoi gradd fel gradd wrthwneud, bydd y cyflwyniad yn parhau i gael ei ddangos fel Angen ei Raddio.

Rhybudd

Os ydych wedi galluogi graddio cyfochrog, ni allwch chi neu’ch myfyrwyr weld cyfarwyddiadau ac anodiadau graddwyr yn ffeiliau myfyrwyr. Mae myfyrwyr dim ond yn gweld y cyfarwyddiadau ac anodiadau mae’r graddwr terfynol—sef y cysonwr—yn eu darparu.

Graddio â chyfarwyddyd

Yn y Llyfr Graddau, dewiswch yr asesiad i'w raddio.
Dewiswch Cyflwyniadau.
Ar y dudalen Cyflwyniadau, dewiswch enwau'r myfyrwyr i gyrchu eu cyflwyniadau unigol a’r cyfarwyddyd.
Gallwch gael mynediad i'r cyfarwyddyd wrth werthuso cyflwyniad y myfyriwr. Gallwch gael mynediad i'r cyfarwyddyd un o ddwy ffordd: Dewiswch yr eicon cyfarwyddyd wrth ymyl y bilsen gradd i agor y cyfarwyddyd gwedd pentwr yn y panel ochr, neu dewiswch yr eicon ehangu i agor y cyfarwyddyd gwedd grid mewn ffenestr ar wahân, symudol.
Neilltuwch lefel perfformiad ar gyfer pob maen prawf drwy ddewis y bilsen sgôr ddymunol.
Cuddir disgrifiadau lefel perfformiad yn ddiofyn. I'w gweld, defnyddiwch y switsh toglo Dangos disgrifiadau. Unwaith eu bod wedi'u troi ymlaen, bydd y disgrifiadau'n ymddangos ar gyfer pob cyflwyniad yn yr asesiad.
Wrth i chi ddewis lefel perfformiad, diweddarir pilsen radd y cyfarwyddyd. Gallwch ddad-ddewis lefel perfformiad a dewis un arall os byddwch yn newid eich meddwl wrth raddio.
Ar gyfer cyfarwyddiadau ystod-canran, mae gan bob lefel perfformiad ystod o werthoedd. Pan fyddwch yn graddio, dewiswch y lefel ganran briodol ar gyfer pob lefel perfformiad. Mae’r system yn cyfrifo’r pwyntiau a enillwyd drwy luosi pwysau, canran cyflawniad, a phwyntiau’r eitem.
Defnyddiwch yr eiconau saethau i gwympo neu ehangu unrhyw faen prawf. Gallwch wneud hyn hyd yn oed os yw'r maen prawf eisoes wedi'i sgorio.
Nodyn
Gallwch lywio rhwng meini prawf y cyfarwyddyd gan ddefnyddio bysell tab eich bysellfwrdd a dewis lefel perfformiad gan ddefnyddio bysellau'r saethau i fyny ac i lawr.
I roi adborth ar gyfer maen prawf unigol, defnyddiwch y blwch testun ym mhob maen prawf. Nid oes cyfyngiad ar y nifer o nodau ar gyfer adborth ysgrifenedig. Mae'r golygydd yn olygydd testun plaen.

Cedwir sgôr y cyfarwyddyd a'r adborth yn awtomatig wrth i chi wneud dewisiadau. Dewiswch yr X i gau panel y cyfarwyddyd. Bydd y radd rydych yn ei neilltuo gan ddefnyddio’r cyfarwyddyd yn ymddangos ar dudalen cyflwyniad y myfyriwr ac yn y llyfr graddau.

Rhoi adborth am yr ymgais yn gyffredinol

Ar dudalen cyflwyniad y myfyriwr, dewiswch yr eicon adborth i agor y panel Adborth. Teipiwch nodiadau ac adborth ar gyfer y myfyriwr a'u cadw. Nid oes cyfyngiad ar y nifer o nodau wrth roi adborth. Mae'r golygydd yn olygydd testun plaen.

Pan fyddwch yn barod i fyfyriwr weld y radd, agorwch y ddewislen a dewiswch Cyhoeddi. Os ydych eisiau rhoi ymgais arall i'r myfyriwr, dewiswch Dileu, a chaiff y cyflwyniad ei ddileu am byth.

Gallwch ddychwelyd i’r eitem ar unrhyw adeg i newid y radd, hyd yn oed ar ôl i chi ei chyhoeddi.

Ar ôl i chi ddefnyddio cyfarwyddyd ar gyfer graddio, ni allwch ei olygu, ond gallwch wneud copi y gallwch ei olygu a’i ailenwi.

Ailddefnyddio Cyfarwyddiadau

Gallwch ailddefnyddio cyfarwyddiadau i arbed amser drwy eu copïo i gwrs. Dewiswch y ffolder Cyfarwyddiadau o'r ddewislen Copïo Cynnwys yn eich cwrs a thiciwch y blychau ticio i ddewis y cyfarwyddiadau yr hoffech eu copïo.

Opsiwn ffolder cyfarwyddiadau o'r ddewislen Copïo Cynnwys

Mae Cyfarwyddiadau a gopïwyd yn ymddangos yn ardal Gosodiadau'r Llyfr Graddau. Dewiswch Llyfr Graddau, dewiswch eicon y gêr yn y gornel dde uchaf, ac adolygwch bob cyfarwyddyd yn yr adran Cyfarwyddiadau Cwrs.

Gwedd myfyrwyr o gyfarwyddiadau

Ar ôl i chi raddio eitemau a chyhoeddi’r canlyniadau, gall myfyrwyr weld eu sgoriau ar eu tudalennau graddau neu yn y ffrwd gweithgarwch. Gallant hefyd gyrchu eitem wedi’i graddio ar dudalen Cynnwys y Cwrs i adolygu eu cyflwyniadau, y cyfarwyddyd, eich adborth, a’u graddau.

Pan fydd myfyrwyr yn edrych ar eu cyflwyniadau wedi’u graddio, gallant ddewis y bilsen radd i agor y cyfarwyddyd wrth ochr eu gwaith. Gall myfyrwyr ehangu maen prawf unigol i adolygu eu lefelau perfformiad. Amlygir y sgoriau a roddwyd.

aseiniad graddedig gan ddefnyddio cyfarwyddyd

Gwrthwneud graddau cyfarwyddyd

Mae graddau gwrthwneud yn raddau rydych yn eu neilltuo â llaw. Mae enghraifft yn cynnwys teipio yn y bilsen radd yn y Llyfr Graddau. Mae label gwrthwneud yn ymddangos wrth ochr y radd. Gallwch hefyd wrthwneud pob maen prawf unigol y cyfarwyddyd.

Diystyru opsiwn graddio ar gyflwyniad graddedig.

Yn y bilsen gradd, gallwch deipio gwerth rhifol o ddim mwy na phum digid. Gallwch gynnwys dau ddigid ychwanegol ar ôl y pwynt degol.

Ar dudalen Cyflwyniadau y myfyriwr, gallwch ddewis Dadwneud Gwrthwneud wrth ymyl y bilsen radd a chaiff y label gwrthwneud ei dynnu. Ymddengys y radd flaenorol, neu gallwch ddefnyddio'r cyfarwyddyd i raddio.

Graddau a gyhoeddwyd

Os byddwch yn dewis cyhoeddi graddau ac wedyn gwrthwneud y graddau hynny, bydd myfyrwyr yn gweld y graddau a newidiwyd. Ond, os byddwch yn tynnu gradd rydych wedi’i chyhoeddi yn llwyr, ni fydd myfyrwyr bellach yn gweld gradd ar gyfer yr eitem. Bydd yr eitem yn dychwelyd i statws “heb ei raddio”. Ar ôl i chi neilltuo graddau newydd, bydd angen i chi gyhoeddi’r graddau hynny eto.

Cysylltu cyfarwyddyd ar ôl dechrau graddio

Bydd cysylltu cyfarwyddyd ag asesiad ar ôl neilltuo graddau yn gwrthwneud y graddau. Yn y Llyfr Graddau, caiff label gwrthwneud ei ddangos wrth ochr y radd. Yn y panel Manylion Cyfarwyddyd, gallwch ddewis ailraddio unrhyw gyflwyniadau wedi’u graddio gyda’r gyfeireb gysylltiedig newydd. Pan fyddwch yn dewis Ailraddio gan ddefnyddio'r cyfarwyddyd, bydd y cyfarwyddyd yn dod yn weithredol, a gallwch ei ddefnyddio i ddarparu graddau. Bydd y graddau newydd yn ymddangos yn y Llyfr Graddau, a thynnir y label gwrthwneud.