Nodau
Yn y Wedd Cwrs Ultra, gallwch alinio nodau â nifer o eitemau yn eich cwrs:
Gall sefydliadau ddangos bod eu rhaglenni a chwricwlwm yn effeithiol pan fydd nodau’n alinio gyda chynnwys cwrs a gweithgareddau. Mae eich sefydliad yn mewngludo neu’n creu nodau a gallwch eu halinio i gynnwys eich cwrs. Ni all hyfforddwyr greu nodau, ond gallwch ddod o hyd i nodau ac ychwanegu nodau sydd ar gael yn y system.
Nodyn
Dim ond os yw’ch sefydliad yn defnyddio nodau y mae’r opsiwn i alinio â’r nodau ar gael.
Alinio nodau â phrawf, aseiniad, neu drafodaeth
Mewn prawf, Aseiniad, neu drafodaeth, dewiswch y botwm Gosodiadau i ychwanegu, golygu a dileu nodau. Yn y panel sy'n ymddangos, dewiswch Alinio â nodau. Mae’r dudalen Nodau a Safonau yn ymddangos. Os oes gan yr eitem nodau sy'n gysylltiedig â hi eisoes, mae’r ddolen yn dangos y nifer o nodau.
I alinio nodau gyda chwestiwn prawf unigol, agorwch y prawf. Agorwch y ddewislen wrth ymyl y cwestiwn a dewiswch Alinio â'r nod. Mae botwm tlws yn ymddangos wrth ochr cwestiynau gyda nodau wedi’u halinio. Dewiswch y botwm i olygu neu dynnu nodau o’r cwestiwn. Neu, gallwch ddewis Alinio â'r nod eto i ychwanegu, golygu neu ddileu nodau sy'n gysylltiedig â'r cwestiwn.
Gall myfyrwyr weld gwybodaeth ar gyfer y nodau rydych yn eu halinio â phrofion, aseiniadau, neu drafodaethau fel eu bod yn gwybod eich disgwyliadau.
Alinio nodau gydag eitemau ar y dudalen Cynnwys y Cwrs
Gallwch alinio nodau â rhai eitemau ar dudalen Cynnwys y Cwrs, gan gynnwys dolenni, offer dysgu gyda chysylltiadau LTI, ffeiliau a dogfennau.
I ychwanegu, golygu neu ddileu nodau sy'n gysylltiedig â'r eitemau hyn, agorwch y ddewislen yn rhes yr eitem a dewiswch Golygu. Yn y panel sy'n ymddangos, dewiswch Alinio â nodau. Mae’r dudalen Nodau a Safonau yn ymddangos. Os oes gan yr eitem nodau sy'n gysylltiedig â hi eisoes, mae’r ddolen yn dangos y nifer o nodau.
Nodyn
Ni all myfyrwyr weld y nodau rydych chi’n eu halinio gyda dolenni, offer LTI, ffeiliau neu ddogfennau.
Alinio nodau â chyfarwyddyd
I ychwanegu, golygu neu ddileu nodau cysylltiedig o cyfarwyddyd, dewiswch Alinio â nodau o dan res meini prawf. Mae’r dudalen Nodau a Safonau yn ymddangos. Ni all myfyrwyr weld y nodau y byddwch chi’n eu alinio â chyfarwyddyd.
Tudalen Nodau a Safonau
Ar y dudalen Nodau a Safonau, gallwch ddewis nodau newydd i'w halinio â chynnwys cwrs neu dynnu nodau a ychwanegwyd o’r blaen.
O dan Meini Prawf Pori, ehangwch yr adrannau a dewiswch feini prawf penodol:
Ffynhonnell: Dim ond un ffynhonnell all ymddangos ar y tro. Yn dangos lle cedwir y nod.
Math Set Nodau
Set Nodau: Y gangen dysgu neu bwnc y nod. Mae gweinyddwyr yn creu setiau nod i ddosbarthu nodau ar lefel uchel.
Categori
Math o Nod: Dosbarthiad y nod, fel Safonol.
Neu, defnyddiwch y blwch Chwilio canlyniadau cyfredol i deipio ymadrodd, gair, neu ran o air i ddod o hyd i nodau cyfatebol.
Mae nodau sy'n cyfateb i'r meini prawf yn ymddangos. Dewiswch y blychau ticio ar gyfer y nodau rydych am eu hychwanegu.
Mae'r nodau yn ymddangos yn yr ardal Nodau Dethol ar waelod y sgrin. Gallwch ehangu'r maes i weld eich rhestr o nodau.
Dewiswch y X coch wrth ymyl nod i'w dynnu. Mae’r nod yn cael ei dynnu o’r casgliad, ond nid yw’n cael ei ddileu o’r system.
Dewiswch Cyflwyno. Mae’r nodau a ddewiswyd yn cael eu halinio gyda'r eitem.
Dileu nod
I ddileu nod o gynnwys y cwrs, dewiswch yr un ddolen a ddefnyddiwyd i alinio’r nod. Mae testun y ddolen yn dangos nifer y nodau sydd wedi'u halinio â'r eitem, er enghraifft, Alinio â 3 nod. Dewiswch y ddolen i agor y rhestr o nodau, a dewiswch y botwm bin sbwriel wrth ochr y nod rydych am ei dynnu.
I ddileu nodau o gwestiwn prawf unigol, agorwch y prawf. Dewiswch y botwm tlws wrth ochr cwestiwn. Yn y rhestr o nodau, dewiswch y botwm bin sbwriel wrth ochr y nod rydych am ei dynnu.