Rhagolwg Myfyriwr

Mae'r fideo canlynol â sylwebaeth yn rhoi cynrychiolaeth weledol a chlywedol o rywfaint o'r wybodaeth sydd wedi'i chynnwys ar y dudalen hon. I gael disgrifiad manwl o'r hyn sy'n cael ei bortreadu yn y fideo, agorwch y fideo ar Vimeo.

I ddechrau arni, dewiswch y modd Rhagolwg Myfyrwyr.

Mae rhagolwg myfyriwr yn creu cyfrif myfyriwr, a enwir yn gyfrif defnyddiwr y rhagolwg. Rydych wedi'ch mewngofnodi fel y defnyddiwr rhagolwg ac wedi cofrestru yn y cwrs presennol. Bydd bar y rhagolwg myfyriwr yn ymddangos ar frig pob tudalen.

Gadael y Rhagolwg

Gallwch ddychwelyd i'r wedd hyfforddwr ar unrhyw adeg. Er enghraifft, efallai byddwch yn dod o hyd i gynnwys i’w ddiweddaru. Pan fyddwch yn gadael y rhagolwg myfyrwyr gallwch ddewis a ydych eisiau cadw neu ddileu myfyriwr y rhagolwg a'r data. Argymhellir yn gryf eich bod yn dewis Gwaredu i ddileu defnyddiwr rhagolwg y myfyriwr, gan y bydd yn aros ar restr eich cwrs.

Mae'r opsiwn dileu yn tynnu defnyddiwr y rhagolwg a'r data o'r ardaloedd hyn:

• rhestr

• llyfr graddau

• hidlydd llyfr graddau

• negeseuon

• derbynnydd negeseuon

• trafodaethau

• dyddlyfrau

• sgyrsiau

Ar ôl i chi alluogi’r rhagolwg myfyriwr, bydd eich defnyddiwr rhagolwg yn ymddangos yn y gofrestr. Mae'ch defnyddiwr rhagolwg yn weladwy i bob myfyriwr sydd wedi cofrestru ar y cwrs. Gall unrhyw andabod eich defnyddiwr rhagolwg yn ôl yr enw. Y cyfenw yw'ch cyfenw gyda _PreviewUser wedi’i atodi ar y diwedd. Yr enw defnyddiwr yw’ch enw defnyddiwr gyda _previewuser wedi’i atodi ar y diwedd.

Os ydych yn addysgu cwrs gyda hyfforddwr arall, bydd gan bob un ohonoch gyfrif defnyddiwr rhagolwg. Bydd eich defnyddiwr rhagolwg yn parhau yn y cwrs nes i chi dynnu'r defnyddiwr o'r gofrestr.

Fel defnyddiwr rhagolwg, mae eich holl weithgareddau'n cael eu cofnodi gan Blackboard. Ni chynhwysir gweithgarwch eich defnyddiwr rhagolwg yn adroddiadau dadansoddiadau a chyrsiau. Mae myfyrwyr eraill yn gallu rhyngweithio â'ch defnyddiwr rhagolwg.

Enghraifft: Trafodaethau

Mae’ch defnyddiwr rhagolwg yn ymddangos yn yr ardal bwnc ac yn y rhestr Cyfranogwyr. Os ydych yn creu ymateb, gall myfyriwr arall ei ymateb.

Os ydych yn ailosod y rhagolwg, bydd gweithgarwch trafodaethau'r defnyddiwr rhagolwg yn parhau, ond bydd Dienw yn ymddangos fel enw'r defnyddiwr rhagolwg. Gallwch ddileu unrhyw atebion ac ymatebion at drafodaethau.

Fel y nodwyd uchod yn y Rhagolwg Allbwn, argymhellir yn gryf eich bod yn dileu eich defnyddiwr rhagolwg unwaith y byddwch yn gorffen eich sesiwn rhagolwg myfyriwr. Mae hyn yn osgoi dryswch a all godi gyda defnyddiwr rhagolwg myfyriwr yn eich rhestr. Os na ddewisoch ddileu defnyddiwr y rhagolwg myfyrwyr a'r data pan adawoch, gallwch dynnu defnyddiwr y rhagolwg yn nes ymlaen.

Rydym yn argymell eich bod yn mynd yn ôl i ragolwg myfyriwr, yna gadael a dewis Gwaredu data defnyddiwr y rhagolwg. Mae hyn yn gweithio ym mhob sefydliad ac mae'n ddull cyflawn a phriodol o ddileu'r defnyddiwr rhagolwg. Ni argymhellir dileu defnyddiwr rhagolwg drwy'r Rhestr. Mae'r opsiwn hwn yn gadael data rhagolwg y defnyddiwr yn y cwrs.

Nodyn atgoffa: Gall eich myfyriwr rhagolwg ddrysu myfyrwyr sy'n gweld y myfyriwr hwn mewn ardaloedd cwrs fel trafodaethau neu sgyrsiau.

Tynnu'r defnyddiwr o'r gofrestr

Ar y dudalen Cofrestr, ewch i ddewislen y defnyddiwr rhagolwg. Dewiswch Golygu gwybodaeth aelod i agor y panel Gwybodaeth Aelod.

Dewiswch yr eicon Tynnu Aelod i dynnu’ch defnyddiwr rhagolwg o’ch cwrs. Eich sefydliad sy’n rheoli a allwch dynnu aelodau.

Ar ôl tynnu’r defnyddiwr rhagolwg, gallwch ddechrau'r rhagolwg myfyriwr eto. Crëir achos newydd o'r defnyddiwr rhagolwg.

Os ydych yn archifo cwrs sydd â defnyddiwr rhagolwg a’i weithgarwch, ni fydd y cwrs a adferwyd yn cynnwys y defnyddiwr rhagolwg neu ei raddau nac ymgeisiau. Bydd trafodaethau, negeseuon a sgyrsiau'r defnyddiwr rhagolwg yn parhau. Os ydych yn cynnwys y defnyddiwr rhagolwg mewn grwpiau, tynnir ei aelodaeth, ond bydd sgyrsiau’r defnyddiwr rhagolwg yn parhau.