Aseiniadau Grŵp

Mae dysgu cydweithredol yn cynnig sawl mantais dros addysgu traddodiadol. Mae astudiaethau'n dangos, pan fydd myfyrwyr yn gweithio fel tîm, eu bod yn datblygu agweddau cadarnhaol, yn datrys problemau'n fwy effeithiol, ac yn profi gwell ymdeimlad o gyflawniad.

Rydych yn creu aseiniad grŵp bron yn yr un modd ag yr ydych yn creu aseiniadau i fyfyrwyr eu cwblhau'n unigol. Caiff eitemau Llyfr Graddau eu creu yn awtomatig.

Mae'r fersiwn o Grwpiau y mae eich gweinyddwr Blackboard LMS wedi'i ffurfweddu yn penderfynu a allwch greu setiau grwpiau newydd yn uniongyrchol yn Gosodiadau Aseiniad:

Os oes myfyrwyr ag addasiadau mewn grŵp, mae pob myfyriwr yn y grŵp hwnnw'n etifeddu'r addasiad ar gyfer yr eitem honno. Er enghraifft, rydych yn creu aseiniad grŵp ac mae gan un aelod o'r grŵp addasiad dyddiad cyflwyno. Ni fydd gwaith y grŵp hwnnw'n cael ei farcio'n hwyr os byddant yn cyflwyno ar ôl y dyddiad cyflwyno.

Ar gyfer aseiniad grŵp neu brawf grŵp penodol, gallwch roi eithriad i grŵp unigol am fynediad estynedig yn unig. Ni chaniateir ymgeisiau lluosog ar gyfer asesiadau grŵp ar hyn o bryd.

Gall myfyrwyr gynnal cyfarfodydd rhithwir gydag aelodau eraill o'r grŵp os yw Collaborate Ultra wedi'i alluogi yn eich sefydliad ac eich bod yn galluogi sgyrsiau ar gyfer yr aseiniad.

Gallwch weld faint o grwpiau rydych wedi'u neilltuo ac agor y ddolen i weld yr aelodau. Os ydych wedi galluogi sgyrsiau grŵp, mae eicon gweithgaredd yn ymddangos pan fo gweithgaredd newydd.

Mae'r fideo canlynol â sylwebaeth yn rhoi cynrychiolaeth weledol a chlywedol o rywfaint o'r wybodaeth sydd wedi'i chynnwys ar y dudalen hon. I gael disgrifiad manwl o'r hyn sy'n cael ei bortreadu yn y fideo, agorwch y fideo ar Vimeo.