Grwpiau
Gall hyfforddwyr greu grwpiau o fyfyrwyr o fewn cyrsiau. Mae grwpiau fel arfer yn cynnwys nifer fach o fyfyrwyr ar gyfer grwpiau astudio neu brosiectau.
Mae'ch hyfforddwr yn eich rhoi mewn grŵp neu'n caniatáu i chi ddewis pa grŵp rydych eisiau ymuno ag ef. Eich hyfforddwr sy'n dewis pa offer cyfathrebu a chydweithio sydd ar gael i'ch grŵp.
Tudalen Grwpiau
Gall hyfforddwyr greu aseiniadau, profion, a thrafodaethau grŵp lle gallwch gydweithio gyda myfyrwyr eraill.
Gall eich hyfforddwr eich cofrestru mewn grwpiau neu ofyn i chi ymuno â grwpiau.
Ewch i'r dudalen Grwpiau trwy ddewis Grwpiau ar brif dudalen eich cwrs. Mae enw'ch grŵp wedi'i restru dan enw'r set o grwpiau gysylltiedig. Dewiswch y saeth wrth ochr enw'r set o grwpiau i ehangu'r rhestr o grwpiau.
Dewiswch Dangos Aelodau dan enw eich grŵp i ddangos enwau aelodau eraill y grŵp. Gallwch ddewis Anfon Neges i anfon neges at holl aelodau'ch grŵp.
Dewiswch enw eich grŵp i fynd i mewn i Le eich Grŵp.
Mae gan Le y Grŵp restr o'ch holl aseiniadau.
Gallwch hefyd fynd i Le eich Grŵp trwy ddewis enw'ch grŵp dan yr aseiniad ar dudalen Cynnwys y Cwrs.
Os bydd Ymuno yn ymddangos ar eich tudalen Grwpiau, dewiswch y ddolen i ddewis grŵp.
Cofrestru ar grwpiau
Mae cyhoeddiadau cwrs yn ymddangos pan fydd angen i chi ymuno ag un neu fwy o grwpiau.
Byddwch hefyd yn gweld hysbysiad yn eich ffrwd gweithgarwch pan fydd angen i chi ymuno â grŵp.
Ar y dudalen Grwpiau, gallwch weld y grwpiau rydych wedi cofrestru ynddynt ac ymuno â grwpiau sy’n gofyn am hunan-gofrestru. Mae grwpiau sydd â chyfnod cofrestru yn ymddangos yn gyntaf er mwyn sicrhau y byddwch yn eu gweld. Efallai bydd eich hyfforddwr yn ychwanegu disgrifiad i’ch helpu i ddewis grŵp.
Os nad ydych yn dewis grŵp cyn diwedd y cyfnod cofrestru, fe’ch cofrestrir yn awtomatig.
Ar ôl i chi ymuno â grŵp, gallwch symud i grŵp arall nes i’r cyfnod cofrestru ddod i ben.
Mae’ch hyfforddwr yn penderfynu a hoffai guddio aelodau o’r grwpiau y gallwch ymuno â nhw. Cuddir aelodau mewn grwpiau lle mae’ch hyfforddwr yn pennu'r aelodaeth.
Nodyn
Mae defnyddwyr y mae eu cyfrifon wedi'u hanalluogi yn cael eu cyfrif yng nghyfanswm cofrestriadau'r grŵp cyfan nes bod aelodaeth y cwrs neu'r defnyddiwr yn cael ei ddileu.
Gwylio fideo am Weithio mewn Grwpiau
Mae'r fideo canlynol â sylwebaeth yn rhoi cynrychiolaeth weledol a chlywedol o rywfaint o'r wybodaeth sydd wedi'i chynnwys ar y dudalen hon. I gael disgrifiad manwl o'r hyn sy'n cael ei bortreadu yn y fideo, agorwch y fideo ar Vimeo.