Trafodaethau grŵp

Ar y dudalennau Cynnwys y Cwrs a Trafodaethau, mae enw'ch grŵp wedi'i restru ar ôl teitl y drafodaeth grŵp. Bydd enw eich grŵp yn ymddangos pan fyddwch yn agor y drafodaeth, ynghyd â rhestr o aelodau eich grŵp.

Pan ofynnir i chi ymuno â grŵp am drafodaethau grŵp, efallai byddwch yn gweld cyfnod cofrestru. Mae angen i chi ymuno â grŵp cyn y dyddiad cau. Os nad ydych wedi ymuno â grŵp, rhoddir gwybod i chi pan fydd y dyddiad olaf i gofrestru yn nesáu.

Gallwch hefyd weld a yw’r cyfnod cofrestru wedi agor eto neu wedi dod i ben. Cysylltwch â'ch hyfforddwr os nad ydych wedi ymuno â grwp cyn y dyddiad olaf i gofrestru.

Dewiswch y ddolen Ymunwch â grŵp i gymryd rhan i gyrchu'r dudalen Grwpiau. Os ydych yn dewis teitl trafodaeth grŵp, bydd tudalen yn agor gyda manylion a dolenni i ymuno â grŵp. Ni allwch gymryd rhan nes ichi ymuno â grŵp.

Mae’r grwpiau y gallwch ymuno â nhw yn ymddangos ar y dudalen Grwpiau. Yn seiliedig ar osodiadau’ch hyfforddwr, efallai byddwch yn gweld dolenni Dangos Aelodau sy’n dangos enwau'r aelodau eraill a ymunodd cyn chi. Yn y golofn Nifer o fyfyrwyr, gallwch weld y nifer o aelodau sy’n gallu ymuno â phob grŵp. Efallai bydd eich hyfforddwr yn caniatáu i bob myfyriwr ymuno â phob grŵp. Er enghraifft, efallai bydd eich hyfforddwr yn caniatáu i chi ymuno â nifer o grwpiau i drafod materion cymdeithasol penodol.

Ar ôl ichi ymuno â grwp, bydd Wedi Ymuno yn ymddangos yn y rhes honno. Gallwch symud i grŵp arall tra bod y cyfnod cofrestru ar agor. Ni allwch ymuno â neu symud i grwpiau sydd wedi cyflwyno gwaith neu sydd wedi cyrraedd y nifer mwyaf o aelodau.

Os na allwch ymuno ag unrhyw grŵp neu os yw'r dyddiad cofrestru wedi mynd heibio, cysylltwch â’ch hyfforddwr.

Ar ôl ymuno â grŵp, gallwch weld eich gweithgarwch grŵp a chyfranogi.

Os welwch wybodaeth graddio ym manylion y drafodaeth, graddir eich cyfranogiad. Bydd eich hyfforddwr yn pennu gradd ar gyfer eich cyfranogiad yn y drafodaeth gyfan, nid ar gyfer pob postiad unigol. Os yw'ch hyfforddwr wedi cysylltu cyfarwyddyd â'r drafodaeth, dewiswch Mae'r eitem hon wedi'i graddio gan ddefnyddio cyfarwyddyd i ddangos mwy o wybodaeth. Gallwch weld y meini prawf graddio cyn ichi gyfrannu.

Bob tro ichi agor trafodaeth, caiff unrhyw atebion ac ymatebion newydd eu hamlygu er mwyn dangos unrhyw weithgarwch newydd ar ôl eich ymweliad diwethaf. Gallwch hefyd ddefnyddio’r eicon Adnewyddu ar frig y drafodaeth i lwytho unrhyw atebion neu ymatebion mae aelodau'ch grŵp wedi'u postio ar ôl ichi agor y drafodaeth.

Gallwch bostio ymateb i'r neges gychwynnol neu ymateb i ymatebion aelod o'ch grŵp. Os ydych chi eisiau ailedrych ar eich ymatebion cyn i chi eu postio, gallwch ddewis Cadw Drafft.