Cyhoeddiadau
Mae cyhoeddiadau'n rhoi gwybodaeth bwysig, sy'n sensitif o ran amser.
Gall eich hyfforddwyr ddefnyddio cyhoeddiadau i rannu gwybodaeth bwysig â chi, megis nodau atgoffa am ddigwyddiadau cwrs a dyddiadau cyflwyno. Efallai bydd eich sefydliad yn dewis defnyddio cyhoeddiadau i rannu dyddiadau cofrestru neu wybodaeth am wyliau.
Mae cyhoeddiadau cwrs yn ymddangos yn eich ffrwd gweithgarwch, pan fyddwch yn mynd i mewn i gwrs, ac ar dudalen Cyhoeddiadau cwrs. Mae cyhoeddiadau sefydliad yn ymddangos ar dudalen mewngofnodi Blackboard a'r ffrwd gweithgarwch.
Mae cyhoeddiadau cwrs newydd yn ymddangos yn syth pan fyddwch yn mynd i mewn i gwrs. Mae angen i chi gau’r ffenestr Cyhoeddiadau Cwrs Newydd cyn i chi allu gweld cynnwys y cwrs. Ar ôl cau’r ffenestr, ni fydd yn ymddangos eto. Os yw eich hyfforddwr yn postio cyhoeddiadau newydd, bydd y ffenestr yn ymddangos eto gyda'r cyhoeddiadau newydd yn unig.
Os ydych eisiau adolygu cyhoeddiad blaenorol, dewiswch Gweld pob cyhoeddiad.
Dewiswch y cylch wrth ochr cyhoeddiad i'w farcio fel wedi'i ddarllen. Os na fyddwch yn dewis y cylch, byddwch yn gweld rhif wrth ochr y dudalen Cyhoeddiadau sy'n dangos y nifer o gyhoeddiadau heb eu darllen.
I farcio cyhoeddiad wedi'i ddarllen fel heb ei ddarllen, dewiswch y cylch eto. Dangosir cyhoeddiadau wedi'u darllen gyda lliw tywyllach na chyhoeddiadau heb eu darllen ar y dudalen Cyhoeddiadau.
Ffrwd weithgarwch
Mae cyhoeddiadau cwrs yn ymddangos yn yr adran Heddiw neu Diweddar o’r ffrwd gweithgarwch yn seiliedig ar bryd mewngofnodoch. Mae’r rhan fwyaf o gyhoeddiadau’n diflannu o’ch ffrwd gweithgarwch pan fyddwch yn eu gweld yn y cwrs.
Byddwch yn derbyn cyhoeddiad cwrs a hysbysiad yn y ffrwd gweithgarwch am grwpiau cwrs y mae angen i chi ymuno â nhw. Os nad ydych wedi ymuno, bydd y rhybudd yn aros yn y ffrwd gweithgarwch.
Tudalen Cyhoeddiadau
O'r dudalen Cyhoeddiadau, gallwch drefnu, marcio fel wedi'i ddarllen neu heb ei ddarllen, a chwilio pob cyhoeddiad cwrs.
Trefnu colofnau. Trefnu cyhoeddiadau yn ôl teitl neu ddyddiad postio.
Chwilio am gyhoeddiadau. Dewiswch yr eicon Chwilio cyhoeddiadau sy'n cael ei ddangos fel chwyddwydr a rhowch allweddeiriau i ddod o hyd i gyhoeddiad penodol.
Marcio fel wedi'i ddarllen. Dewiswch y cylch wrth ochr cyhoeddiad i osod cyhoeddiad i wedi'i ddarllen neu heb ei ddarllen.
Gall eich hyfforddwr ddewis dangos cyhoeddiad am gyfnod penodol o amser. Os nad ydych yn gallu dod o hyd i gyhoeddiad yn yr archif, efallai ei fod wedi dod i ben.
Copi e-bost o gyhoeddiad
Efallai bydd eich hyfforddwyr yn e-bostio copïau o gyhoeddiadau pwysig atoch. Byddwch yn derbyn y negeseuon e-bost hyn os oes gennych gyfeiriad e-bost yn y system. Anfonir negeseuon e-bost am gyhoeddiadau bob tro ac nid ydynt yn cael eu rheoli gan osodiadau hysbysiadau cyffredinol eich sefydliad.
Yn yr e-bost, mae cynnwys a blannir yn ymddangos fel dolenni. Gallwch ddewis y dolenni i weld y cynnwys.
