Blackboard Cwestiynau Cyffredin y Cwrs
Sut ydw i'n dod o hyd i fy nghyrsiau?
O'r rhestr lle mae’ch enw yn ymddangos, gallwch weld rhestr o'ch cyrsiau.
Ar y dudalen Cyrsiau, gallwch gael mynediad at bob un o'ch cyrsiau. Efallai eich bod wedi cofrestru mewn rhai cyrsiau gyda'r gwedd cwrs Ultra ac eraill gyda'r Wedd Cwrs Gwreiddiol.
Mae pob cerdyn cwrs yn rhestru rhif adnabod y cwrs, teitl y cwrs a’r hyfforddwr. Os oes mwy nag un hyfforddwr ar eich cwrs, dewiswch Hyfforddwyr Lluosog am restr. Dewiswch Rhagor o wybodaeth i weld y disgrifiad ac amserlen, os ydynt wedi’u hychwanegu.
A allaf bersonoli fy rhestr cyrsiau?
Na, ni allwch newid trefn y cyrsiau yn y rhestr. Caiff y cyrsiau eu rhestru yn nhrefn yr wyddor a'u grwpio yn ôl tymor.
Os ydych am gael mynediad at gwrs penodol yn aml, gallwch glicio ar yr eicon seren i ychwanegu’r cwrs at eich ffefrynnau. Bydd y cwrs yn ymddangos ar frig eich rhestr o gyrsiau. Nid oes angen i chi sgrolio bellach! Gallwch glicio ar yr eicon seren unwaith eto i dynnu cwrs o’ch rhestr o ffefrynnau unwaith i chi beidio â’i ddefnyddio cymaint.
Beth yw fformatau ffeil amgen?
Nodyn
Eich sefydliad sy'n rheoli pa offer sydd ar gael.
Os yw'ch sefydliad yn defnyddio Anthology Ally, gall hyfforddwyr ddefnyddio'r offeryn i helpu sicrhau bod cynnwys cyrsiau'n hygyrch i bob myfyriwr.
Ar ôl i'ch hyfforddwr atodi ffeil at gwrs, bydd Ally yn creu fformatau amgen o'r ffeil yn seiliedig ar y ffeil wreiddiol. Er enghraifft, os mai PDF yw'r ffeil wreiddiol, bydd Ally yn creu fformat sain, braille electronig ac ePub o'r un cynnwys. Mae'r fformatau hyn ar gael gyda'r ffeil wreiddiol felly mae popeth mewn un lleoliad cyfleus.
Dod o hyd i ffeil yn eich cwrs. Dewiswch yr eicon lwytho Fformatau Amgen i lawr. Dewiswch y fersiwn sydd orau i'ch anghenion chi! Dewiswch Lawrlwytho i gadw'r fformat amgen ar eich dyfais.
Mae fy rhestr o gyrsiau'n anghywir.
Mae'n ddrwg gennym, ond nid oes gan Anthology fynediad at Blackboard safle eich ysgol ac ni all eich helpu gyda materion cofrestriad penodol. Mae pob ysgol yn ymdrin ag ymrestriadau cyrsiau yn wahanol.
Yn seiliedig ar sut mae Blackboard wedi'i ffurfweddu yn eich ysgol, efallai bydd gennych y gallu i guddio cyrsiau o fodiwl Fy Nghyrsiau. Dewiswch yr eicon gêr ar y top ar y dde. Ar y dudalen Personoli: Fy Nghyrsiau, gallwch ddewis pa gyrsiau sy'n ymddangos yn eich modiwl Fy Nghyrsiau a Cyflwyno. Os nad ydych yn gallu gwneud hynny, cysylltwch â desg gymorth gyfrifiadurol eich ysgol am gymorth.
Sut ydw i'n gollwng cwrs?
Nid oes gan Anthology, Inc. fynediad at Blackboard safle eich ysgol ac ni all eich helpu gyda materion cofrestriad penodol. Mae pob ysgol yn ymdrin ag ymrestriadau cyrsiau yn wahanol. Cysylltwch â'ch cofrestrydd.
Sut ydw i'n hunan-gofrestru mewn cwrs?
Os yw hunan-gofrestru wedi'i alluogi gan weinyddwr eich system, gall hyfforddwyr ganiatáu i chi hunan-gofrestru ar eu cyrsiau.
Mae angen i hyfforddwr anfon dolen URL a gopïwyd o'r cwrs atoch. Os nad ydych eisoes wedi cofrestru ar y cwrs, dewiswch y ddolen a bydd yn agor y dudalen hunangofrestru. Yr unig beth y mae angen i chi ei wneud yw dewis Cyflwyno.
Os oes angen cod mynediad, mae angen i'ch hyfforddwr anfon y cod hwnnw gyda'r ddolen. Rhowch y cod mynediad cyn dewis Cyflwyno.
Dydw i'n methu dod o hyd i neu agor cynnwys yn fy nghwrs.
Cysylltwch â'ch hyfforddwr. Mae eich hyfforddwr yn rheoli argaeledd profion, aseiniadau, a chynnwys arall. Weithiau mae'ch hyfforddwr wedi rhoi amodau ar ryddhau cynnwys. Er enghraifft, efallai y bydd rhaid i chi nodi darlith fel wedi ei hadolygu cyn i chi allu cael mynediad i aseiniad.
Hefyd, efallai y byddwch eisiau gwirio eich bod yn defnyddio porwr gwe a system weithredu a'u cefnogir.
Rydw i angen mwy o amser yn fy nghwrs.
Os oes angen i chi ymestyn eich mynediad at eich cwrs oherwydd i chi gofrestru'n hwyr neu oherwydd salwch, cysylltwch â'ch hyfforddwr. Mae pob ysgol yn ymdrin ag ymrestriadau cyrsiau yn wahanol. Yn seiliedig ar sut mae Blackboard wedi'i ffurfweddu yn eich ysgol, os yw'ch hyfforddwr wedi caniatáu mynediad at gwrs mewn tymor blaenorol, bydd eich cwrs yn ymddangos ar eich tudalen Cyrsiau o dan y tymor perthnasol.
Roeddwn yng nghanol tasg pan wnes i golli popeth.
Yn anffodus, mae'n debygol y collwyd y wybodaeth am byth. Bydd angen i chi ail-greu’r dasg. Os ydych chi'n cael problemau yn ystod prawf a'ch bod yn methu parhau, cysylltwch â'ch hyfforddwr ar unwaith. Nid oes gan Anthology fynediad at Blackboard safle eich ysgol ac ni all eich helpu gyda'r materion hyn.
Efallai byddwch yn colli gwybodaeth os fydd un o'r sefyllfaoedd hyn yn digwydd:
Collwyd cysylltiad y rhyngrwyd.
Adnewyddwyd y porwr.
Mae Blackboard gan eich porwr osodiad diogelwch sy'n eich allgofnodi os nad yw'n derbyn unrhyw fewnbwn am gyfnod o amser.
Gall y darnau hyn o gyngor eich helpu i osgoi'r materion hyn yn y dyfodol:
Defnyddiwch gyswllt wedi'i wifro, os yn bosib, pan fyddwch yn cymryd prawf. Mae rhai cysylltiadau gwe di-wifr yn llai dibynadwy.
Peidiwch ag adnewyddu'r dudalen yn y porwr.
Peidiwch â chau ffenestr y porwr.
Peidiwch â defnyddio botwm yn ôl y porwr.
Os yn bosibl, ysgrifennwch y prawf mewn rhaglen allanol, ac yna gludwch y gwaith i mewn i Blackboard. Mae gweithio heb gysylltu yn gyntaf yn sicrhau y bydd eich gwaith ddim yn cael ei golli pan fyddwch yn gweithio arno yn Blackboard.
Os ydych yn gweithio ar aseiniadau, cadwch eich gwaith yn gyson er mwyn osgoi problemau gyda therfyn amser y porwr.